قبل شراء #شقة_تمليك او #وحدة_سكنية من #مطور_عقارى انتبه !

 حاجات مهمة لازم تاخد بالك منها وانت رايح تشترى شقة تمليك حفاظا على حقوقك وعلى فلوسك الى انت هتدفعها عشان كده لما تيجى تشترى شقة سكنية ،تخلى بالك من الملاحظات ديه :

1- ﻻزم تشوف كل مستندات الملكية الخاصة بالعقار الى موجودة فيه الشقة بالإضافة الى المستندات الخاصة بالشقة دى لو اتباعت قبل كده مثلا بالإضافة الى انك لازم عند كتابة عقد الشقة الإبتدائى او النهائى دى لازم يكون معاك صور من مستندات الملكية دى ومينفعش تمضى عقد الشقة بدون متاخد صور من مستندات الملكية دى و الى منها ( صورة من عقد الأرض المبنى عليه العقار الى فيه الشقة الى هتشتريها - صورة توكيلات البيع و الشراء ان وجدت - صورة من اعلام الوراثة ان كانت الشقة المباعة شقة ورثة _ رخصة البناء )

2- تعرف موقف الشقة إيه فى الحى / جهاز المدينة تتأكد ان مافيش اى مخالفات ، قرار إزالة .

3 - تكشف وتستعلم على الشقة الى هتشتريها فى مصلحة الضرائب العقارية وتعرف هل عليها ضرائب ولا تم سدادها لأنك ممكن تعرض نفسك انك تدفع الضرائب دى لو متمش سدادها وتم الإتفاق على خلو مسئوليتك من سدادها داخل العقد الى هتشترى بيه الشقة .

4 - لو البائع وكيل عن المالك : ﻻزم تتأكد من صحة التوكيل و سريانه و ان التوكيل يبيح له البيع .

5 - لو البائع وارث ﻻزم تطلع على إعلام الوراثة علشان تشوف مين الورثة بالضبط ، و ﻻزم جميع الورثة يمضوا على عقد البيع .

6 - لو الثمن هيتم دفعه على أقساط : اوعى تمضى على إيصال امانه او اى ورق و اكتب تاريخ إستحقاق الاقساط وكيفية سدادها ومواعيد سدادها فى العقد الإبتدائى الى هتكتبه مع المالك .

7 - بعد سداد كافة الاقساط : اكتب عقد بيع نهائى خالص الثمن .

8 - لو الشقة ملك لشخصين : ﻻزم الشخصين يوقعوا على عقد البيع .

9 - لو الشقة مسجلة شهر عقارى أنقل الملكية بإسمك على طول بعد ما تكتب العقد .

10 - لو هتشترى من شركة ﻻزم تشوف السجل التجارى الخاص بالشركة ، و تشوف مين اللي له حق التوقيع على العقد و لازم تتأكد من وجود الشقة إلى هتشتريها و تتأكد أن الرخصة بتاعت البناء مع الشركة و تشوف الرخصة و تتأكد منها و تشوف الشقة بعينك .

11 - ﻻزم طبعاً تتأكد من صحة المستندات ديه كلها ،

و تكشف عليها من خلال الجهة التى صدرت منها .

12 _ الأهم من ده كله انك وانت رايح تكتب العقد يكون معاك محامى وجود المحامى معاك اهم من كتابة العقد .